Inkscape 0.48.5 e brezhoneg

Embannet eo bet handelv 0.48.5 an arload Inkscape !

Ur meziant dieub da embann kevregadoù sturiadel gant barregezhioù damheñvel ouzh re Illustrator, Freehand, CorelDraw pe Xara X eo Inkscape. Arveret eo ar mentrezh restroù SVG (Scalable Vector Graphics : Kevregadoù Sturiadel Skeulaus).

Pal pennañ Inkscape eo krouiñ ur benveg tresañ galloudus hag aes da arverañ, kenfurm ouzh ar skouerioù XML, SVG ha CSS.

Arveret e vez gant meur a savenn, en o zouez : Microsoft Windows, Mac OS X, Linux ha FreeBSD.

Arc'hwelioù pennañ Inkscape

• Tresañ gant an dorn ;
• Tresañ gant krommennoù Bezier ha regennoù eeunennoù ;
• Tresañ linennoù kaerskrivet gant ar bluenn (skoret eo korn/gwask an tablerioù kevregat)
• Benveg Testenniñ (desteudañ, roud, nodrezh, marzekaat, lieslinenniñ) ;
• Eren, enporzhiañ ha sturiadelaat skeudennoù bitmap ;
• Treuzfurmañ keouenn (treuzkludadurioù, kemparzh, admentañ, c'hwelañ, distummañ) gant un doare etrewezhiat pe dre erspizadurioù niverel) ;
• Skorañ an treuzfollennoù ;
• Rummata dre verniañ an treuzfollennoù, ar strolladoù, hag an ergorennoù (z-order - urzh-z) ;
• Desteudañ ha dasparzhañ an ergorennoù, lakaat anezho war ur gael pe war zealfoù gwarellek, strewiñ ergorennoù ;
• Arc'hwelioù leuniañ ha trolinennañ kemplezh ;
• Arc'hwelioù gwezhiata war an treugoù ;
• Arc'hwelioù skorañ an testennoù hag an deouez ;
• Keweriusterioù an daolenn wenn etrewezhiat (TGE) dre ar c'homenad Jabber/XMPP. Drezañ e vez rannet un dresadenn ha savet dre genlabour, en amzer werc'hel pe dost, gant ur rouedad lec'hel pe dre Internet.

Arc'hwelioù nevez pouezusañ gant 0.48

• Daskemmet e vez meur a dreug war un dro
• Gwellaet eo bet binvioù zo : evit an destenn, evit labourat war ar c'hlomoù...
• Benveg Aervroust nevez
• Ezporzhiet e vez an tresadennoù gant LaTex
• Askouezh JessyInk a-benn sevel kinnigadennoù
• Ur bern beugoù zo bet ratreet

Ur video e galleg evit dizoleiñ Inkscape 0.48 amañ.

Pellgargañ ar goulev gant an droidigezh vrezhonek amañ.