Aozit emgavioù gant framadate e brezhoneg

Ul lec'hienn web evit aozañ emgavioù eo Framadate.

Heñvel eo he c'heweriusterioù ouzh reoù al lec'hienn Doodle: krouet e vez ur sontadeg gant unan bennak ha kaset an ere d'an holl berzhidi evit kemer un diviz pe aozañ un emgav.

Frank ha digreizennet eo Framadate avat, da lâret eo e c'haller lenn, kemmañ ha dasparzhañ an tarzh, ha staliañ ar meziant war un dafariad all.

Pal Framasoft eo kinnig gwazerezhioù enlinenn evit "digooglekaat" ar web. Roll an ostilhoù a c'hallit kavout amañ.